ARGENTINA YALIPA KISASI, YAMCHAKAZA GERMANY KATIKA MECHI YA KIRAFIKI

 Argentina imetumia vizuri mchezo wa kimataifa wa kirafiki kulipiza kisasi dhidi ya Ujerumani kwa kuwatandika jumla ya mabao 4-2 katika mchezo uliochezwa usiku wa kuamkia leo katika uwanja wa Esprit Arena nchini Ujerumani. 

Zikiwa ni siku 52 zimepita tangu Ujerumani iwachape Argentina katika fainali za kombe la dunia nchini Brazil kwa bao la Mario Gotze katika muda wa nyongeza na kutwaa kombe la dunia, jana Argentina ilionekana kuukamia mchezo huo na kufanikiwa kuwaadabisha Wajerumani hao.

Katika mchezo huo, Argentina ndio waliokuwa wa kwanza kupata mabao kupitia kwa Sergio Aguero katika dakika ya 20, bao la pili likifungwa na Lamera dakika ya 40, bao la tatu liliwekwa kimiani katika dakika ya 47 Federico Fernandez na bao la nne likifungwa na Angel Di Maria dakika ya 50.

Mabao ya Ujerumani yaliwekwa kimiani na Schurrle katika dakika ya 52 na bao la pili likifungwa na Gotze dakika ya 78. 

Katika mchezo huo, mchezaji wa Argentina Angel Di Maria alionekana kung'aa sana na kusaidia ushindi huo mnono wa mabao 4-2.


FOR More CLICK HERE 

Share on Google Plus

About feisal pinto

Computer Application Student, Author, Short Stories Writer, Business Proposal Writer, Presenter and Application Builder. Email feisalpinto4@gmail.com for complains and business only.