KITUKO! NEYMAR, ALVES WANASWA NA CAMERA WAKISHANGILIA KUTAJWA TIMU YA TAIFA YA BRAZIL ITAKAYOSHIRIKI KOMBE LA DUNIA

 Wakati umefika: Neymar akiangalia kwa hisia kali wakati kikosi cha timu ya taifa ya Brazil kikitaja `laivu` tayari kwa fainali za kombe la dunia mwaka huu.

JE,  umewahi  kujiuliza itakuwaje siku ukisikia umechaguliwa kucheza fainali za kombe la dunia?

Wakati huo haitakuwa kitu kingine bali ni ndoto ya kuonwa na mashabiki wengi wa soka duniani kote, lakini kwa nyota wa FC Barcelona, Neymar na Dani Alves ndoto zao zimekuwa kweli siku ya jumatano wiki hii.

Wachezaji hao walipigiwa simu na kocha wa timu ya taifa ya Brazil, Luis Felipe Scolari kuwa wameteuliwa katika kikosi cha timu ya taifa kitakachokuwa mwenyeji wa kombe la dunia majira ya kiangazi mwaka huu.

Nyota hao walifurahi kupita maelezo na walinaswa na kamera ya Jo Amancio anayejulikana kuwa ni kaka yake Neymar.

Bosi wa Brazil  Luis Felip Scolari akiwa katika mkutano na waandishi wa habari Laivu kwenye TV wakati wa kutaja kikosi chake

 Wamapumua: Neymar baada ya kuona yupo kwenye kikosi cha  Scolar  alilipuka na tabasamu kubwa

 Kuna mtu alikuwa anamwambia anaenda kombe la dunia! Dani Alves alijibu kwa utulivu habari hiyo

Nyota hao wa Samba walirekodiwa wakimwangalia `laivu` Scolari anapotaja kikosi cha timu ya Taifa ya Brazil na Neymar alionekana kuwa na furaha kubwa baada ya kutajwa katika fainali hizo za kihistoria  kwake.

Mshambuliaji huyo wa Barcelona amelibeba taifa lake begani na ndiye mchezaji anayetegemewa zaidi safu ya ushambuliaji ya Brazil mwaka huu.

Japokuwa Alves alikuwa mtulivu  katika Camera, lakini bado furaha yake imebaki moyoni mwake na itaonekana Maracana mwezi juni na julai.

  credit: Shaffihdauda.com

Share on Google Plus

About feisal pinto

Computer Application Student, Author, Short Stories Writer, Business Proposal Writer, Presenter and Application Builder. Email feisalpinto4@gmail.com for complains and business only.