Demba Ba afuata pesa za Wachina

Pesa ndiyo mpango mzima, Straika Msenegal, Demba Ba ameamua kulipa kisogo soka la Ulaya baada ya kukubali kujiunga na Shanghai Shenhua ya China

Haikuwekwa wazi Ba ameondoka Besiktas ya Uturuki na kwenda kujiunga na timu hiyo ya zamani ya straika Didier Drogba kwa ada ya kiasi gani ila imeelezwa ni fedha za kutosha.

Katika ujira wake huo mpya, Demba Ba atakomba peza za maana na mshahara wale wa mwaka ni Dola milioni 6.7 huku ada yake ikidaiwa itakuwa imefika Dola Millioni 15.7 licha ya kwamba haikuwa wazi.

 
Ba alianza soka ufaransa katika klabu ya Rouen mwaka 2005 kisha alikwenda Ubelgiji kuichezea Mouscron kabla ya kusaini miaka minne Hoffenheim ya Ujerumani na baadaye kutua West Ham United ya Ligi kuu Uingereza.

Alijiunga na Newcastle United kwa uhamisho huru na baadaye alisaini kucheza Chelsea kabla ya kutimkia Uturuki.

Kwenye kikosi cha Chelsea, Ba alianzishwa kwenye mechi 23 tu kati ya 51 alizochezea timu hiyo na kufunga mabao 14

Share on Google Plus

About feisal pinto

Computer Application Student, Author, Short Stories Writer, Business Proposal Writer, Presenter and Application Builder. Email feisalpinto4@gmail.com for complains and business only.