Wabunge Waliochukuwa Fedha Za Safari Pasipo Kusafiri Waagizwa Kuzirudisha

Sakata la baadhi ya wabunge kutuhumiana kuwa wamechukua fedha za serikali kwa ajili ya kufanya  Safari na hawakusafiri limechukua sura nyingine baada ya spika wa bunge Mh. Anne Makinda kuwataka  wale wote waliochukua fedha hiizo bila ya kusafiri wazirudishe na huku akisisitiza anawajua wote kwa majina.

Mh Makinda ameyasema hayo alipokuwa akiongoza mkutano wa kumi na nne na kikao cha kumi na tisa  ambapo amesema anashangazwa na maneno maneno ambayo wabunge wamekuwa wakitupiana  wakati anawajua wote waliochukua fedha bila ya kusafiri.

Katika hatua nyingine wabunge walipata nafasi ya kumuuliza maswali ya moja kwa moja Mh Waziri Mkuu ambapo Mh Joshua Nasari Mbunge wa Arumeru mashariki alitaka kujua kuhusu vitendo  vya  raia kubamimbikizwa  kesi na hasa tukio la kulipuliwa kwa bomu huko  Arusha kama ni nia ya .

Naye  mh  James  Mbatia  alimuliza mh pinda serikali  inamikakati  gani  kuhusu kukabiliana na  msongamano  wa  magari  hasa  katika jiji la  Dar es salaam , ambapo   waziri mkuu  akasema   serikali  ipo tayari kuunda timu   ndogo    ambayo  itamuhusisha  mh  mbatia  ili kupata  ufumbuzi  wa tatizo  hilo.

Kutokana  na   hatua  hiyo  ya  kuundwa  kwa   timu hiyo ndogo    ya  kupata  ufumbuzi  wa  msongamano  katika  jiji  la Dar es saalam ITV  ilimtafuta  Mh  Mbatia  kwa  lengo  la kupata mawazo  yake  ambayo  anakusudia kuyafikisha katika   timu  hiyo itayoundwa  katika  kupata  ufumbuzi  wa msongamano  wa  magari   jijini Dar es Salaam .

Ikiwa ni siku ya pili kwa wabunge  kuchangia  katika  taarifa  ya kamati  mbili za bunge zilizowasilisha  taarifa  zake   baaadhi   ya wabunge  wameendelea  kuchangia   taarifa hizo  huku   Mh Rebeca Mndogo mbunge  wa viti  maalum  kwa tiketi ya chama cha demokrasiaa na  maendeleo   Chadema  ameiomba  serikali  ihakishe  miradi  mikubwa  inafanywa  na   sekta  binafsi.

Source ITV

Share on Google Plus

About feisal pinto

Computer Application Student, Author, Short Stories Writer, Business Proposal Writer, Presenter and Application Builder. Email feisalpinto4@gmail.com for complains and business only.